الله حى شعبنا حى
الله حي شعبنا حي وسع سكه لبكره الجاي
ورد شبابنا المصري البلدي و لا في شبه و لا له زي
قولوا شباب قاعدين في كافيه عفاريت طلعوا ولاد الايه
عارفين امتي و فين ما عليه شايفين كل طريق للضي
من دمهم الغالي اتوضي وطن الخوف و الموت و الرده
طلع الصبح و صلي و عده من لليل امس لاجمل ضي
يااااااااااااه علي وطن اتهان و اتباع
ياااااااااه علي شعب اتعري و جاع
سمسروا حتي في الاوجاع
لحمنا كانوا بياكلوا حين ايوووب نبي
علشان كان صابر
شوف المصري النبي و الصابر
يطغي عليه الطاغي
و قادر يفضل ثوري و وطني و حي
التحرير كان اسم ميدان اصبح للثوار عنوان
الشبان قلب الاوطان هما الفرحه و هما الضي
يوم 25 يناير هو تاريخ الشعب الثاير
رجعتونا لعزه ناصر بعد الموت
الوطن اهو حي
.jpg)
ليست هناك تعليقات :
اضافة تعليق
تسطتيع كزائر اضافة رد .. بدون اي قيود .. تشرفنا برأيك جدا .. كلمات الاغاني (RandaHappy)