شعبنا قامت قيامته
مش هاقول بلد الحضارة ولا اهرامات ولا نيل
عالطيبة ناس زي الستارة وكرمنا ملوش بديل
دا احننا كنا زمان غلابة عايشين بقلب كبير
عملنا كتير لغيرنا وطلعوا ناكرين الجميل
مش هاقول بلد الحضارة ولا اهرامات ولا نيل
مصر ولادة رجال بيعلوا جيل ورا جيل
عشان خاطرها ولادها ياما عملوا المستحيل
ام اه بس في غضبها اسألوا اسرائيل
شعبنا قامت قيامته اي حد يهين كرامته
يقل قيمته ونبقى كلنا ايد في ايد
ام الدنيا بقت ابوها واللي يتطاول عليها
جابه لنفسه تاني نربيه من جديد
شعبنا فاق على اللي كان علينا متآمرين
من النهاردة مفيش خيابة ولا فتنة بين اخين
مينا ومحمد هايبقوا للخسيس واقفين
للجبان هنكون ديابة احنا مصريين
مش هاكون من تاني بغضب واصفى بعد يومين
مصر مش هاتنا وتسكت تاني للحاقدين
فاكرين عساكر كانوا ع الجبهة قاعدين
ولما قاموا رجعولنا حقنا في ساعتين
ليست هناك تعليقات :
اضافة تعليق
تسطتيع كزائر اضافة رد .. بدون اي قيود .. تشرفنا برأيك جدا .. كلمات الاغاني (RandaHappy)