كلمات الاغاني

يتم التشغيل بواسطة Blogger.

اشترك بايميلك ليصلك كل كلمات اغنية جديدة

ادخل بريدك الالكتروني:

اصدقاء المدونة

الاثنين، 19 مارس 2012

كلمات اغنية المخدرات احمد مكى 2012 من البوم اصله عربي

كلمات اغنية المخدرات احمد مكى


كلمات اغنية قطر الحياة احمد مكي من البوم اصله عربي


ف كل لفة عقرب ساعة عمري بيتسرسب بيعدي الناس والدنيا بتتغير حتى الحديد بيصدى

وانا الوحيد واقف مكاني ثابت ف ناس اختارت سكة صابت ناس تانية اختارت سكة خابت


احساس قاسي وصعب لما الناس تشوفك فاشل ابوك وامك واخواتك واصحابك شايفينك عاطل

قوم يابني اسعى وحاول والله غلبت احاول ياما حاولت وقبل الجون مايجي يطلع فاول


ما عنديش مهارة وحتى كوسة وحوستى حوسة ودوست بعد آخر البنزين بدوسة
ف كل مقابلة شغلانه يتقالى لف نفسك بشهادتك مدد بجنب اي حيط وخدلك بوسة


رجعت فلاش باك حسبت سنين عمري 30 سنة لقيت حسبت تاني وتالت واتخضيت

ببص ف المرآية كام شعراية بيضة لقيت وابويا هو اللى لسه بيصرف ع البيت


كلمات البوم اصله عربي احمد مكي




بتعامل من عيلتى ع اني عالة وحالتى حالة ثقة بنفسي راحت النجاح بقى استحاله

نفسي اهرب م نفسي وم حالتى وم عيلتي وم الدنيا نفسي القى دنيا تانية اهرب ليها لو حتى ثانية


وف يوم قالهالى صاحبي واللى يدلك ع الطريق مايفيدش الصاحب غير صاحبه اسمع م الصديق

قالى ف قاعدة ضرب حلوة بالليل عاملنها سألته هاش ضحك قالى بيسه قولتلها لادمينها


قالى ما تخافش مش ممكن تدمن م اول شكة اقنعنى بالليل فعلا شكتلى اول شكة

مفاصلى ساحت وارتاحت وروحي راحت بكلم نفسي م جوا وبرغي وم بره ساكت


همومي شبه تاهت والرؤية باهت ف باهت كل مشكلة كانت عندى ف الدنيا ماتت وتاهت

عدتت ساعات ف ثانية لقيت الصحبة قايمة دخلت بيتي وش الفجر عيلتي كانت نايمة


دفنت نفسي تحت البطانية جسمى متلج نمت ف أقل م ثانية نومة واحد متبنج

قطر الحياة بيعدي بسرعة سنة ف سنة في سنة وانا زي ما انا م لما كان عندي سنة


هي هي الحياة هو هو انا انا زهت طهقت م الحياة تقدر تقول مليت انا

صحيت وكنت رجعت تاني للواقع والعكننة عدى النهار بطيء كانه كام شهر او سنة


نفسي النهار يعدى بسرعة واضرب تاني ارجع ملك زمانى بعيد عن العالم باللي رمانى

خلونى اضرب معاهم كل يوم وبتعزم خلاص دخلت السكة والطريق بيترسم


فاجأنى صاحبي ف يوم قالهالى ف وشي خف تعوم اجيب فلوس منين ليا وليك نضرب كل يوم

شخشخ جيبك يا م قاعدتنا دي تكون محروم من النهاردة مافيش ضرب ببلاش مفهوم ؟


روحت وتانى يوم ف معاد الضرب جسمى اتكهرب كرابيك ف ضهري ومناخيري سايلة وبتسرب

عاوز اضرب منين اجيب فلوس منين اجيب فلوس بدأت استلف م كل اللى اعرفه وأدوس


وحتى اخواتى خدت منهم يا ما فلوس دروس كله كهرني وبيهرب تقلت ع النفوس

خمسين جنيه في خمسين ف مية في مية بسرق يوماتي فلوس م البيت وكله شك فيا


نزلت بعت كل حاجة جتلى ف يوم هدية خلصت فلوسي لحد ف يوم ماجتلى فكرة هي .. هى

دهب امي موبايل اختي لاب توب اخويا سرقتهم نزلت اهرب م البيت وقفني ابويا


حاول يمنعنى مسكنى من ايدي جامد زقيته اتخبط فى الحيظ وبصلي ازاي ابنه وأذيته

خد منى كل حاجة وتربس الباب غضب ساعتها طلبت أغرب حاجة ممكن تتطلب


عاوز فلوس حالا ياما هرتكب جريمة اتهمنى بالجنون واداني كام شتيمه

ببان كل الأوض بتتفتح عيلتي بتتفرج لسه بيستوعبوا يمكن دا جد يمكن بنهرج


سحبت بنت اختي 3 سنين ناحية شباك هاتوا الفلوس لارميها فجأة زاد الارتباك

أمى بكت بحرقة قدامي فوقت لثواني رمتلى فلوس وبصوت عالى ما اشوفش وشك تاني


امشي مالكش ام يا أبغض م شيطاني خدت الفلوس وجريت عارف مش راجع بيتي تاني

قطر الحياة بيعدي بسرعة سنة ف سنة ف سنة وانا زي ما انا م لما كان عندي سنة


هي هي الحياة هو هو انا ان زهت طهقت م الحياة تقدر تقول مليت انا

خسرت كل اهلى واصحابي بقيت وحيد ومنين هجيب فلوس لازم القى طريق جديد


فجأة افتكرت جار م سنى ساكن لوحده كل عمره ابوه ف اعارة بره مصر وشهري فلوس يبعتله

شديته وزي ما اتشديت انا لنفس الطريق لقيت مصدر فلوس جديد وبيت ولقيت صديق


نضرب سوا بفلوسه وف بيته مالناش ظهور شقى سنين ابوه خلص كله في اربع شهور

وف ليلة بنضرب جتله مكالمة ماصدقهاش ابوه عرف ان ابنه بيسرقه اتنقل انعاش

كل عصب في جسمى اتوتر زودت الجرعة اكتر الجرعة المعتادة خلاص مابقتش تأثر
شريط حياتي بيتعرض قدامي اخبر ف اخبر ضربت السم ف عروقي زودته أكتر واكتر


نفسي افنى واخلص م الدنيا زي المية اتبخر كمان زودت سنه جسمى كله اتلون اصفر

صاحبي اتفزع قام واتسرع مالك اصفر ليه ياجدع جسمك عرقان وبتترعش زي اللى م الحية اتلدع

رغم اني غرقان ف العرق جسمى متلج موجوع وجع م خضتى جيت اصلب طولى جسمى ع الارض اترزع
جسمى رافض لكل امر مني القوة اتهدت والدنيا بتضلم تدريجي و واحدة واحدة اسودت


آخر لقطة ف حياتي شوفتها كانت مآساه صاحبي مرعوب وبيراقب فراقي للحياة

قطر الحياة بيعدي بسرعة سنة ف سنة في سنة وانا زي ما انا م لما كان عندي سنة
هي هي الحياة هو هو انا انا زهت طهقت م الحياة تقدر تقول مليت انا

المصدر
http://www.randahappy.com/
جميع الحقوق محفوظة © 2013 كلمات الاغانى
تصميم : يعقوب رضا