يامصر ليه
يا مصري ليه دنياك لخابيط و الغُلب محيط
والعنكبوت عشش عالحيط و سرح عالغيط
يا مصري قوم هش الوطاويط كفاياك تبليط
صعبة الحياة و الحل بسيط حبة تخطيط
فتحت باب استيرادك.. و صرفت فوق ضعف إيرادك
حلي للخواجة استكرادك.. سابك بتقرا في أورادك
وده قشَطّكْ و نزل تشفيط
ومهولاتي تحب تزيط
ساعة الفرح زغاريط تنطيط
وفي المياتم هات يا صويت
وفي المظاهرات سخن تشيط
وفي الإنتخاب تنسي التصويت
وليه بترشي و تتساهل وتضيع حقوقك بالساهل
تستاهل النار تستاهل
يا غويط و يحسبك الجاهل
ساهل و ساهي و غبي و عبيط
يا مصري ياللي الغلا عصرك
والنهب في عصرك حاصدك
قوم للحياة و اسبق عصرك ولا حاجة حترجع مصرك
إلا ان تكون شغال و نشيط
.jpg)
ليست هناك تعليقات :
اضافة تعليق
تسطتيع كزائر اضافة رد .. بدون اي قيود .. تشرفنا برأيك جدا .. كلمات الاغاني (RandaHappy)