ضحكة المساجين
تغازل العصافير قضبانها .. زنزانه لجلج كارها سجانها
حلاوة الزنازين ع بورشها بتمد اطرافك سجانك المحتار ف اوصافك
مهما اجتهد ماهيعرف انت مين
طوبة لكل المسجنونين باطل ف زمن بيخدعنا وبيماطل
ياشموس بتبرق ف غرف عميين
اما الي خان ناسك واوطاني دي الهيبه حاطينة ف قفص تاني
يصحي وينعس والجميع واقفين
ومصر عارفه وشايفه وبتصبر
لكنها ف خطفة الزمن تعبر
وتسترد الاسم والعناويين
يادي الميزاني الي طلعت لفوق بينزلوك بالعافيه او بالزوق
دول مش بتوع الصدق ف الموازين
الثورة نور والي طافاها خبيث يرقص مابين شهدا ومابين محابيس والدم لسه مغرق الميادين
الحزن طايح ف قلوبنا بجد مافضلش غير الشوك ف شجر الورد
غلط الربيع ودخل ف اغبي كمين
وف انتظار اليأس مع الايام
غيرك ف قفصه بيضربوله سلام
وانت الجزم قبل الكفوف جاهزين
ومصر عارفه وشايفه وبتصبر
لكنها ف خطفة الزمن تعبر
وتسترد الاسم والعناويين
ياعم اقعد بس واشرب شاي .. الدنيا ماشية وشعبنا نساي
والبركة ف الشاشة وف الجرانين
واذا هوهوو قوم اعلن الاحكام وكل بوق تلجمة بلجام
ومش هتغلب تطبخ القوانين .. يامصر هدي وانتي بتفوتي
الصوت ف صمتة اعلي م صوتي .. ادي السجين الي مابتش حزين
والي يقف ف وش ثوارها .. ماهيورث الا ذلها وعارها
والي هيفضل ضحكة المساجين
ومصر عارفه وشايفه وبتصبر
لكنها ف خطفة الزمن تعبر
وتسترد الاسم والعناويين
.jpg)