ميجانا وعتابا صباح

كلمات اغنيه ميجانا وعتابا صباح

ياميجانا وياميجانا ويا ميجانا

انتِ الطرب والحب وعنوان الهنا

عشقتك يا بنت طولك عطولي

وانتي شغلتي بحبك عطولي

وان كان أهلك ما عطولي

وعد لأخطفك من بين الحباب

وان كنتِ قاصدة تصيري ولفتي

شيري بعينك صوبي ولفتي

ولا تهوي الاَّ العاقل والفتي

يللي قلبه قوي بعزِّ الشباب

كفاني هجر منك كفاني

مرضت وصرت من بعدك كَفاني

أنا لو كنت داخل كفاني

بحيا عَ صوتِك من تحت التراب

عودي يا روحي الجسم عَ فراقك برد

ومبرد غيابك ضلوع قلبي برد

شفافك زهر مرجان وسنانك برد

وخدود تلج ونار فيها مكوَّنا

أنا سهران بالأحلام ليلاي

وبغني على فراق حب ليلاي

أنا ما بحب الاَّ عيون ليلاي

دبحني لحظها والقلب داب

المصدر : http://100fm6.com/vb/showthread.php?t=117366 - 100fm6.com