ياشعب
ياشعب ماستناش وخد حقه بدراعه
ياوطن مابيسعناش واحنا الي بنساعه
الدم لون واحد مافيهوش عبيد ولا سيد
وان بعتو دم شهيد بكرا هتتباعو
الف في شوارعك
الكوتش الي باش م الف ف شوارعك
يحرم عليه يبوس ارض غيرك
والقلب القماش المكوي بعمايلك
لسه معبأ بريح عبيرك
والواد الي عاش طول عمره يحايلك
ونفسه اسمه يجي ف رسايلك
تبعتيله تطمنينه ان انتي نايمه وقايمة بيه
وقت الشتي يدفا بيكي وقت الخطر تتحامي فيه
وساعه لما بيقسي عليكي
وساعه لما بتدعي عليه
لا حد فيكو بيهداله بال
واول ماتصفي تفكي الريال
وتروحي تجيبيله كوتشي بدااال
الكوتش الي باش
البحر بيضحك ليه
البحر بيضحك ليه ليه ليه
وانا نازله ادلع امله القلل
البحر غضبان مابيضحكش
اصل الحكايه ماتضحكش
البحر جرحه مابيدبلش
وجرحنا ولا عمره دبل
وجرحنا ولا عمره دبل
والبحر بيضحك ليه
البحر بيضحك ليه
وانا نازله ادلع املة القلل
قللنا فخارها قناوي بتقول حكاوي وغناوي
ياقله الذل انا ناوي ماشرب ولو ف المية عسل
والبحر بيضحك ليه
وانا نازله ادلع امله القلل
بيني وبينك سور ولا سور وانا ولا مارد ولا عصفور
ف ايدي عود اول وجاسور وصابحت انا ف العشق مثل
البحر بيضحك ليه ليه ليه
وانا نازله ادلع امله القلل
اغاني تملا الحي
عمر الغنا مابينتهي بنموت ويفضل حي
الحلم عمره مابينقتل مهما هيبعد جي
والعشق ساكن معاني ف ضربة وتر ف اغاني تملا الحي
لسه العيون فيها النظر قادرة تشوف الضي
قادرة تشوف مليون قمر يضوي الطريق الجي
والفكرة مالهاش نهايه ولا بالحجر ولا بالرصاص الحي
نشيد الثورة
يامعشر الثوار الكل فيكو امام
ولا حد غير العلم راح ينضربله تمام
الليل كمال غربال اما النهار بيلم
والعبره بالي ابتدا قبل العدد مايتم
ياعباده وسط الهرم ياقله جايبه الفرج
الثورة ركعت قضا مافيهاش امام بيلم
يامعشر الثوار الكل فيكو امام
ولا حد غير العلم راح ينضربله تمام
ليست هناك تعليقات :
اضافة تعليق
تسطتيع كزائر اضافة رد .. بدون اي قيود .. تشرفنا برأيك جدا .. كلمات الاغاني (RandaHappy)